KHUTBAH
PERJUANGAN SARENG PENGORBANAN NUNGKULAN COPID-19
(Khutbah Idul Adha 1441 H/2020 M Bahasa Sunda)

 

اَللهُ أَكْبَرُ اَللهُ أَكْبَرُ اَللهُ أَكْبَرُ. اَللهُ أَكْبَرُ اَللهُ أَكْبَرُ اَللهُ أَكْبَرُ. اَللهُ أَكْبَرُ اَللهُ أَكْبَرُ اَللهُ أَكْبَرُ. اَللهُ أَكْبَرْ كَبِيْرًا وَالْحَمْدُ للهِ كَثِيْرًا وَسُبْحَانَ اللهِ بُكْرَةً وَأَصِيْلاً، لَاإِلهَ إِلاَّ اللهُ وَحْدَهُ، صَدَقَ وَعْدَهُ وَنَصَرَ عَبْدَهُ وَأَعَزَّ جُنْدَهُ وَهَزَمَ الْأَحْزَابَ وَحْدَهُ، لاَإِلهَ إِلاَّ اللهُ وَاللهُ أَكْبَرُ، اَللهُ أَكْبَرُ وَللهِ اْلحَمْدُ.

الْحَمْدُ للهِ الَّذِيْ كَانَ بِعِبَادِهِ خَبِيْرًا وَبَصِيْرًا، وَتَبَارَكَ الَّذِيْ جَعَلَ فِيْ السَّمَاءِ بُرُوْجًا وَجَعَلَ فِيْهَا سِرَاجًا وَقَمَرًا مُنِيْرًا. أَشْهَدُ أَنْ لَا إِلَهَ إِلَّا اللهُ وَأَشْهَدُ أَنَّ مُحَمَّدًا عَبْدُهُ وَرَسُوْلُهُ الَّذِيْ بَعَثَهُ بِاْلحَقِّ بَشِيْرًا وَنَذِيْرًا، وَدَاعِيًا إِلَى الْحَقِّ بِإِذْنِهِ وَسِرَاجًا مُنِيْرًا. اللَّهُمَّ صَلِّ عَلىَ سَيِّدِنَا مُحَمَّدٍ وَعَلَى اَلِهِ وَصَحْبِهِ وَسَلِّمْ تَسْلِيْمًا كَثِيْرًا. أَمَّا بَعْدُ… فَيَا عِبَادَ اللهِ أُوْصِيْكُمْ وَإِيَّايَ بِتَقْوَى اللهِ، فَقَدْ فَازَ الْمُتَّقُوْنَ. اَعُوْذُ بِاللهِ مِنَ الشَّيْطَانِ الرَّجِيْم بِسْمِ اللَّهِ الرَّحْمَٰنِ الرَّحِيمِ : وَلِكُلِّ أُمَّةٍ جَعَلْنَا مَنْسَكًا لِيَذْكُرُوا اسْمَ اللَّهِ عَلَىٰ مَا رَزَقَهُمْ مِنْ بَهِيمَةِ الْأَنْعَامِ ۗ فَإِلَٰهُكُمْ إِلَٰهٌ وَاحِدٌ فَلَهُ أَسْلِمُوا ۗ وَبَشِّرِ الْمُخْبِتِينَ (Q.S. Al-Hajj : 34)

Allahu Akbar, Allahu Akbar, Allahu Akbar Walillahilhamd,
Ma’asyirol Muslimin, Jama’ah Shalat Idul Adha Rahimakumullah.

Niti wanci anu utami, ninggang mangsa anu utama, poe lebaran kurban atawa Idul Adha dinten ieu urang ngaraoskeun geteran handaru takbir, tahmid sareng tahlil, mareng jeung suasana Id di tanah suci, wargi-wargi urang jama’ah haji nuju kempel di mina ngalaksanakeun Ibadah Jumroh Aqobah. Sok sanaos Jama’ah Haji Indonesia dina taun ieu teu janten di berakangkatkeun ka tanah suci Makkah Mukarromah sareng Madinatul Munawwaroh.

Pamarentah Arab Saudi parantos netepkeun yan penyelenggaraan haji dina taun ieu dilaksanakeun secara terbatas, diutamikeun pikeun Warga Negara Saudi sareng Ekspatriat atawa Warga Nagara Asing anu nuju netep di Saudi. Sateuacanna Pamarentah Indonesia oge parantos mutuskeun rehna jama’ah haji taun 2020 diundur kaberangkatan nana, sanes dibatalkeun, hal ieu dituangkeun dina KMA (Keputusan Menteri Agama) Nomor 494 Taun 2020.

Sok sanaos beurat nunda kaberangkatan jama’ah anu jumlahna kirang langkung 221.000 (dua ratus dua puluh hiji rebu), tapi hal ieu kedah dilakukeun pamarentah pikeun nyumponan tuntutan undang-undang haji nyaeta maparin pembinaan, pelayanan sareng perlindungan kanggo jama’ah. Sapertos ku-urang ka-uninga dina danget ieu, urang sadaya warga dunia sanes wungkul Bangsa Indonesia sareng Saudi Arabia nuju dipaparin ujian anu walatra nyaeta ayana pandemic covid-19.

Allahu Akbar, Allahu Akbar, Allahu Akbar Walillahilhamd,
Ma’asyirol Muslimin, Jama’ah Shalat Idul Adha Rahimakumullah

Khusus kanggo dinten ieu aya kajadian penting anu tumiba ka urang sadaya, nyaeta ngumpulna dua poe Id (hari raya), nyaeta kumpulna poe Jum’at jeung poe Idul Adha. Kajantenan kieu teh kantos kajantenan dina waktos rasulullah jumeneng oge mungkin bakal ka-alam-an ku urang jeung anak incu urang mangsa anu bakal datang. Kukituna ulah samar-polah da geus puguh anu kudu dilaksanakeun dumasar kana conto anu kantos dilakukeun ku Rasulullah SAW,

قَدِ اجْتَمَعَ فِى يَوْمِكُمْ هَذَا عِيْدَانِ فَمَنْ شَاءَ أَجْزَأَهُ مِنَ الجْمُعَةِ وَإِنَامجُمَعُوْنَ

“Dina dinten ieu aranjeun kumpul dina dua “Id”, singsaha anu karep teu naon-naon aranjeun teu Shalat Jum’at, ngan Kaula mah (saur rasul) rek ngalaksanakeun Jum’at” (HR. Abu Daud)

Allahu Akbar, Allahu Akbar, Allahu Akbar Walillahilhamd,
Ma’asyirol Muslimin, Jama’ah Shalat Idul Adha Rahimakumullah

Allah SWT ngadawuh dina Al-Qur’an Surat Al-Hajj : 34 :

وَلِكُلِّ أُمَّةٍ جَعَلْنَا مَنْسَكًا لِيَذْكُرُوا اسْمَ اللَّهِ عَلَىٰ مَا رَزَقَهُمْ مِنْ بَهِيمَةِ الْأَنْعَامِ ۗ فَإِلَٰهُكُمْ إِلَٰهٌ وَاحِدٌ فَلَهُ أَسْلِمُوا ۗ وَبَشِّرِ الْمُخْبِتِينَ

“Jeung pikeun saban-saban umat, Kami geus nimbalan ibadah kurban, supaya maraneh ‘eling ka Allah, ku sato ingon-ingon anu geus dipaparinkeun kamaran’ehna. Nya pangeran maneh teh Pangeran nu Maha Tunggal. Kukituna maraneh kudu sumerah diri ka Anjeunna. Jeung geura bubungah jalma-jalma anu tarumut ka Alloh.”

Manasik-manasik anu aya hubungan nana sareng ibadah haji sanes di wajibkeun ka urang wungkul zaman kiwari tapi di wajibkeun ka umat-umat zaman baheula anu ariman, termasuk ayana tatacara ibadah kurban. Ibadah kurban dina ajaran Islam sanes mangrupikeun bentuk persembahan atawa sasajen ka Allah, kumargi Allah SWT teu ngabutuhkeun darah jeung daging kurban sakumaha anu kaunggeul dina Al-Qur’an Surat Al-Hajj : 37

لَنْ يَنَالَ اللَّهَ لُحُومُهَا وَلَا دِمَاؤُهَا وَلَٰكِنْ يَنَالُهُ التَّقْوَىٰ مِنْكُمْ

“Allah teu nampi dagingna jeung getihna, tapi Allah rek nampi takwana ti maraneh…” (QS. Al-Hajj: 37)

Zaid bin Arqom nerangkeun, yen anjeunna kantos tumaros ka Rasulullah tina hal kurban, dawuh Rasulullah :

سُنَّةَ اَبِيْكمُ إِبْرَاهِيْمَ

“Kurban teh sunat—perjalanan—kalakuan anu dicontokeun ku bapa maraneh Ibrahim”

Ibadah kurban, ibadah haji oge ibadah-ibadah sejenna ngadidik ka urang ummat Islam supaya sadar rehna hirup jeng kahirupan teh isina nungtut dua hal nyaeta perjuangan oge pengorbanan. Teu saeutik anu kuat ngadegkeun puluhan imah, modalna ratusan juta bahkan milyaran rupia tapi kanyataan nana loba anu teu kuat indit ka Mekkah lain kurang pakeun, tapi kurang daya juangna bahasa ilaharna mah “loba teu keyeng”na. Tapi sabalikna aya anu ngan kasab sa-aya-aya tapi ngagaduhan daya juang tinggi “Keyeng” akhirna kabukti tiasa angkat ka Mekah munggah haji, Judul Sinetron Nyebatna teh “Tukang Bubur Naik Haji”.

Allahu Akbar, Allahu Akbar, Allahu Akbar Walillahilhamd,
Ma’asyirol Muslimin, Jama’ah Shalat Idul Adha Rahimakumullah

Salian ti ngahirupkeun nilai-nilai perjuangan oge pengorbanan, Idul Kurban atawa Idul Adha kudu numbuhkeun kasadaran rehna urang dina hirup jeung kahirupan kudu berguna, gede manfaatna pikeun anu sejenna, khaerunnas anfa’uhun linnas (pang hade-hadena jalma nyaeta pang gede manfaatna pikeun manusa sejenna).

Dina waktu lebaran saperti ayeuna, boh lebaran Idul Fitri atawa Idul Adha, umat Islam teu meunang bungah sosoranganan, tapi kudu bungah babarengan, silih deudeul, silih payang, silih panggul, ulah poho ka si leutik, ulah ngantep ka si miskin buktina setiap lebaran pikeun urang umat Islam sakuduna ngaluarkeun zakat fitrah oge ngalaksanakeun kurban.

Sok sanaos hukumna teu wajib, tapi Kangjeng Rosul mikaceuceub ka jalma anu mampuh dina waktuna tapi teu daek ngaluarkeun ibadah kurban. Sakumaha hadits anu katampi ti Abu Huroiroh Rodiallohu anhu, Rosululloh SAW ngadawuh:

مَنْ وَجَدَ سَعَةً فَلَمْ يُضَحِّ فَلا يَقْرَبَنَّ مُصَلاَّنَ

“Sing saha anu boga kamampuh pikeun kurban tapi embung ngalaksanakeunana, mangka ulah deukeut-deukeut kana tempat sholat kaula”

Ieu hadits salian ti panggeuing jeung ancaman ka anu mampuh oge mere isarat ka umat Islam anu mangkuk di lembur, atawa anu teu kuat indit ka Mekah, supaya daek milu ngabubungah, solider ku jalan ngaluarkeun kurban. Malah anu teu kuat kana kurban teu kuat ngorbankeun domba atawa sapi atuh ari sedekahmah ulang daek tinggaleun, sabab kalakuan kitu teh mageuhan raketna ukhuwwah, sarta ngaweteuhkeun tali kacintaan tur jadi poko ka-amanan.

Allahu Akbar, Allahu Akbar, Allahu Akbar Walillahilhamd,
Ma’asyirol Muslimin, Jama’ah Shalat Idul Adha Rahimakumullah

Momentum Idul Adha atawa Idul Qurban anu nuju ku urang ka-alaman ayeuna mangga urang sami-sami piara kanggo ngahijikeun tanaga nungkulan pandemi copid-19, anu dina danget ieu nuju ka’alaman ku urang sadaya.

Kadatangan Virus Copid-19 anu nuju mahabu ayeuna kudu nimbulkeun kasadaran ka diri urang sadaya, rehna manusa teh aya dina kaayaan lemah teu ngagaduhan daya, kakawasaan anging daya kakawasaan ti pangeran Allah Rabbul’Alamin.

Sajabi ti eta, urang sadaya kedah gaduh karep anu kuat, mental pejuang rela berkorban kudu keyeng ngalaksanakeun naon perkara anu parantos di paparin ku para ahli dina upaya pananggulangan pandemi copid-19 ieu sarupaning : jaga jarak, rajin kukumbah ku cai anu ngalir, nganggo masker oge ngahindar acara-acara anu ngumpelkeun seueur jalmi atawa ngahindar tina ruang-riung, upami teu penting ulah ka luar bumi, di rumah saja.

Karep anu kuat dibarengan ku rasa ukhuwwah, rasa cinta ka sasama insya Allah urang tiasa nungkulan ieu panyakit saenggalna, mun keyeng pasti pareng :

 إِنَّ اللَّهَ لَا يُغَيِّرُ مَا بِقَوْمٍ حَتَّىٰ يُغَيِّرُوا مَا بِأَنْفُسِهِمْ

“Saenya Allah moal ngarobah kaayaan hiji kaum satungtung maranehna henteu ngarobah ka-ayaan dirina” (QS. Ar-Ra’du : 11).

Katadangan virus copid-19 mudah-mudahan janten sababiah urang sadaya tiasa ngalaksanakeun taubat, margi urang gaduh kayakinan rehna setiap musibah anu tumida ka diri urang etateh akibat tina perbuatan dosa urang.

وَمَا أَصَابَكُمْ مِنْ مُصِيبَةٍ فَبِمَا كَسَبَتْ أَيْدِيكُمْ وَيَعْفُو عَنْ كَثِيرٍ

“Jeung saniskara anu tumiba ka maraneh ti antara balai teh, nya saestuna alatan leungeun maraneh, jeung anjeuna maparin ma’ap tina sabagian gede (kasalah-kasalahan) (QS. Asy-Syura : 30).

Ieu panyakit tiasa nyerang saha wae teu pilih-pilih, ku kituna urang teu-kedah nga-stigma oge diskriminasi ka wargi-wargi urang anu nuju teu damang, namung urang tetep wajib waspada supaya urang tiasa ngajaga diri oge ngajaga wargi wargi urang anu sanesna. Ka anu parantos kaserang copid-19 urang do’akeun mugia sing enggal damang, bebas tina sagala rupi panyawat, ka urang anu ngaraos sehat mugia sing teras di paparin kasehatan ku Allah SWT. Amin ya Allah ya Rabbal’alamin

بَارَكَ اللهُ لِيْ وَلَكُمْ فِيْ اْلقُرْآنِ الْكَرِيْمِ وَنَفَعَنِيْ وَإِيَّاكُمْ بِمَا فِيْهِ مِنَ اْلآيَاتِ وَالذِّكْرِ الْحَكِيْمِ، وَتَقَبَّلَ مِنِّي وَمِنْكُمْ تِلَاوَتَهُ إِنَّهُ هُوَ السَّمِيْعُ الْعَلِيْمُ، وَتُبْ عَلَيْنَا إِنَّهُ هُوَ التَّوَّابُ الرَّحِيْمُ.

 

KHUTBAH KADUA

اللهُ اَكْبَرْ 3x اللهُ اَكْبَرْ 4x اللهُ اَكْبَرْ كبيرا وَاْلحَمْدُ للهِ كَثِيْرًا وَسُبْحَانَ الله بُكْرَةً وَ أَصْيْلاً لاَ اِلَهَ اِلاَّ اللهُ وَاللهُ اَكْبَرْ اللهُ اَكْبَرْ وَللهِ اْلحَمْدُ. اْلحَمْدُ للهِ عَلىَ اِحْسَانِهِ وَالشُّكْرُ لَهُ عَلىَ تَوْفِيْقِهِ وَاِمْتِنَانِهِ. وَاَشْهَدُ اَنْ لاَ اِلَهَ اِلاَّ اللهُ وَاللهُ وَحْدَهُ لاَ شَرِيْكَ لَهُ لَهُ تَعْظِيْمًا لِشَأْنِهِ وَاَشْهَدُ اَنَّ سَيِّدَنَا مُحَمَّدًا عَبْدُهُ وَرَسُوْلُهُ الدَّاعِى اِلىَ رِضْوَانِهِ اللهُمَّ صَلِّ عَلَى سَيِّدِنَا مُحَمَّدٍ وَعَلَى اَلِهِ وَاَصْحَابِهِ وَسَلِّمْ تَسْلِيْمًا كِثيْرًا. اَمَّا بَعْدُ فَياَ اَيُّهَا النَّاسُ اِتَّقُوااللهَ فِيْمَا اَمَرَ وَانْتَهُوْا عَمَّا نَهَى وَزَجَرَ.وَاعْلَمُوْا اَنَّ اللهّ اَمَرَكُمْ بِاَمْرٍ بَدَأَ فِيْهِ بِنَفْسِهِ وَثَـنَى بِمَلآ ئِكَتِهِ بِقُدْسِهِ وَقَالَ تَعاَلَى اِنَّ اللهَ وَمَلآ ئِكَتَهُ يُصَلُّوْنَ عَلىَ النَّبِى يآ اَيُّهَا الَّذِيْنَ آمَنُوْا صَلُّوْا عَلَيْهِ وَسَلِّمُوْا تَسْلِيْمًا. اَللَّهُمَّ صَلِّ وَسَلِّمْ وَبَارِكْ عَلَى عَبْدِكَ ونَبِيِّكَ وَرَسُوْلِكَ سَيِّدَنَا مُحَمَّدٍ صَلَّى اللهُ عَلَيْهِ وَسَلَّمَ وَعَلَى آلِهِ وَأَصْحَابِهِ أَجْمَعِيْنَ اللَّهُمَّ اغْفِرْ لِلْمُؤْمِنِيْنَ وَالْمُؤْمِنَاتِ، وَالْمُسْلِمِيْنَ وَالْمُسْلِمَاتِ، الأَحْيَاءِ مِنْهُمْ وَالأَمْوَاتِ، إِنَّكَ سَمِيْعٌ قَرِيْبٌ مُجِيْبُ الدُّعَواتِ. اَللَّهُمَّ اغْفِرْ لَنَا وَلِوَالِدِيْنَا وَارْحَمْهُمْ كَمَا رَبَّوْنَا صِغَارًا .رَبَّنَا ظَلَمْنَا أَنْفُسَنَا وَإِنْ لَّمْ تَغْفِرْ لَنَا وَتَرْحَمْنَا لَنَكُوْنَنَّ مِنَ الْخَاسِرِيْنَ رَبَّنَا اغْفِرْ لَنَا وَلإِخْوَانِنَا الَّذِيْنَ سَبَقُوْنَا بِالإِيْمَانِ وَلاَ تَجْعَلْ فِيْ قُلُوْبِنَا غِلاًّ لِلَّذِيْنَ آمَنُوْا رَبَّنـَا إِنَّكَ رَؤُوْفٌ رَحِيْمٌ .اَللَّهُمَّ إِنَّا نَسْأَلُكَ رِضَاكَ وَالْجَنَّةَ وَمَا قَرَّبَ إِلَيْهَا مِنْ قَوْلٍ وَعَمَلٍ وَنَعُوْذُ بِكَ مِنْ سَخَطِكَ وَالنَّارِ وَمَا قَرَّبَ إِلَيْهَا مِنْ قَوْلٍ وَعَمَلٍ .اَللَّهُمَّ اغْفِرْ لِجَمِيْعِ مَوْتَى الْمُؤْمِنِيْنَ الَّذِيْنَ شَهِدُوْا لَكَ بِالْوَحْدَانِيَّةِ وَلِنَبِيِّكَ بِالرِّسَالَةِ وَمَاتُوْا عَلَى ذَلِكَ. اَللَّهُمَّ اغْفِرْ لَهُمْ وَارْحَمْهُمْ وَعَافِهِمْ وَاعْفُ عَنْهُمْ وَأَكْرِمْ نُزُلَهُمْ وَوَسِّعْ مَدْخَلَهُمْ وَاغْسِلْهُمْ بِالْمَاءِ وَالثَّلْجِ وَالْبَرَدِ وَنَقِّهِمْ مِنَ الذٌّنُوْبِ وَالْخَطَايَا كَمَا يُنَقَّى الثَّوْبُ الأَبْيَضُ مِنَ الدَّنَسِ وَجَازِهمْ بِالْحَسَنَاتِ إِحْسَانًا وَبِالسَّيِّئَاتِ عَفْوًا وَغُفْرَانًا .اَللَّهُمَّ أَعِنَّا عَلَى ذِكْرِكَ وَشُكْرِكَ وَحُسْنِ عِبَادَتِكَ يَا حَيُّ يَا قَيّوْمُ يَا ذَا الْجَلاَلِ وَالإِكْرَامِ .وَصَلَّى اللهُ عَلَى سَيِّدِنَا مُحَمَّدٍ وَعَلَى آلِهِ وَصَحْبِهِ أَجْمَعِيْنَ. سُبْحَانَ رَبِّكَ رَبِّ الْعِزَّةِ عَمَّا يَصِفُوْنَ. وَسَلاَمٌ عَلَى الْمُرْسَلِيْنَ. وَالْحَمْدُ لِلّهِ رَبِّ الْعَالَمِيْنَ

*) Naskah khutbah ieu teu ditujukan kanggo ayana kalonggaran  kabolehan ngalaksanakeun Shalat Idul Adha 1441 H di Sadaya Wilayah Kabupaten Sumedang,  kalonggaran pelaksanaan Shalat Idul Adha 1441 H ngantos izin ti pamarentah pusat, provinsi dan atawa kabupaten, sae koordinasi sareng pihak anu berwenang

**) Klik Didieu kangge download Khutbah dina format Microsoft Word

***) Untuk Khutbah dalam bahasa Indonesia klik disini.